Bakhjarlar og eigendur verkefnisins
Að fyrirtækinu Nova Progressus ehf. standa að jöfnu reyndir aðilar. Annars vegar er það fyrirtækið Perago Bygg ehf. í Kópavogi sem hefur verið umsvifamikið í byggingariðnaði víða um land á undanförnum árum. Hins vegar er það fyrirtækið VÓK ehf., sem er í eigu Kristins Sigvaldasonar, eiganda Borgarverks í Borgarnesi, sem hefur verið mjög umsvifamikið í verktakaiðnaði landsins á undanförnum árum.
Markmiðið með kaupum og byggingu hússins hefur verið frá upphafi að leggja ríka áherslu á vandað hús og tryggja að falleg hönnun þess fengi að njóta sín sem best bæði utan sem innan. Að verkinu hefur komið fjöldi öflugra undirverktaka frá Akranesi sem hafa sinnt verkefninu af einstakri alúð og fagmennsku sem hefur tryggt hátt gæðastig og skilvirka framkvæmd í hvívetna.
